28 septembre 2005
Machahid mina l7ayat : ABDESSLAM
Abdesslam. 31 ans. Laayoune. Be77ar (f’la carte nationale)
Abdesslam howa l’bo2s.. ou l’bo2s howa Abdesslam
Abdesslam tin6abe9 3lih lmatal : rdite b’lhemm ou lhemm ma rdach biya..
Ses origines men 9al3at ssraghna..
kbar f’3a2ila 3aycha te7t khe66 f’fe9r..
9ra 7tal l’quatrième… bezzez t3ellem yekteb son nom, ou t3ellem 1+1=2 (machi 3)..
sa mère mra badawiya 3robiya la 7awla laha wa la 9owa.. walakine ddarbat bach weldha Abdesslam ye9ra f’sskwila… son père bghah y3awnou f’lfla7a ou sser7a d’lbhayem walakine sa mère bghat l’weldha ykoun 9ari ou ywelli 7sen men Miloud weld douarhom li 9ra ou wella kheddam f’chman diffir (les chemins de fer)…
Abdesslam ma krahch ye9ra ou yet3ellem ou ykhdem.. wakha kant lkhedma f’lmédina 7olm « rêve » ou kan 3aref ghadi yeb9a ghir 7olm ! walakine dommage ! 7ta 7aja ma sa3datou bach ye9ra : la ma, la dow, la transport, la ktoub, la mo3allime « dima absent », la tachji3, sebbora dial lmedrassa hiya llekhra..
nhar lmo3ellime ti sali lih l76eb tibda ygerred f’ssebbora bach ych3el lmejmer !!!
Nhar l3id Abdesslam ma kanch tifre7 b7al 3ibad allah.. kan ti6i7 3lih ddime 7it titla9a m3a wlad ddouaro li kheddamine f’lmédina... tijiw ydouzou l3id f’l3robiya… daf3ine kbir, labsine srawel ddjine « jean’s » ou darbine dehna « gel de coiffure » ou ndidrat kou7el « lunettes de soleil ».. tit3e99ed meskine !
Khrej Abdesslam men l9raya.. ou khdem m3a son père f’le champ.. l3am fach bda Abdesslam lfla7a ja ljafaf !!! tgoul zzle6 tab3ou tab3ou !!
Abdesslam 3endou 19 3am… mab9a 3endou ma ydir.. frank maydourch 3endou f’jibe, ou howa bgha lflouss bach yban 7ta howa ou ychri li bgha… ou lbess mzyane ou ychri rwi7ate « parfums »… walakine allah ghaleb..
Fine ma tiguless m3a wlad ddouar tibdaw y3awdou lih 3la lmdina :
- lmdina mkhaaaaaaaaaayra… kolchi fiha moujoud
- nnhar l3iyane terbe7 fih 100dhs f’lmdina..
- l9hawi 36a allah fine tdowez lwe9t.. ou goulfazère “golf azur” ou lkhdami moujoudine
- ou l9... haaa wili 3la bniyat lmdina.. 3a dd7ek liha tjri 3andek !!
Abdesslam 7lef ma yzid nhar f’l3robiya...
7lef 7ta ymchi l’mdina
7lef 7ta ybda 7ayat jdida...
7lef 7ta y6elle9 lfe9r…
7laf 7ta ydir labass.. ou yechbe3 dorane ou 7wayej ou derriyate..
mskine….
Twade3 m3a familtou, sa mère tebki llil ou nhar 7ta tseddou 3iniha… lefra9 s3ib !
Rkeb Abdesslam l’kar… gless f’wa7ed lkorrsi kharjine mennou rrosoulate.. mli nad tcherreg lih sserwal… ça commence déjà mal !
Khdem Abdesslam f’Settat 4 ans… khdem f’lbni « le bâtiment ».. khdem f’les chantier de l’autorioute Casa-Settat li darha Driss Lbassri.. khdem 6aleb m3achou.. khdem 7emmal… makhella fine khdem !! sba3 snaye3 ou rrez9 daye3.. walou frank ma kichey6och.. dak chi li sowro ti khesrou f’lmakla ou lkra ouila cha6t lih chi 7aja tisif6ha l’bbah..
Wa7ed nnhar kan galess m3a s7abou.. ou bdaw tidwiw 3la le sud du Maroc, ssa7ra lmaghribiya.. la région la plus chanceuse… subventionné par l’état, kolchi moujoud, kolchi rkhiss… ou ila derti passport dial temma te7reg bih l’Las Palmas bla visa !!
Abdesslam ban lih blan jdid !!
3zem bach yemchi l’ssa7ra.. ou dakchi li kan..
chra un billet Settat-Layoune f’la CTM b’dak chi li rebe7 dial lflouss had la semaine…
rkeb f’lkar ou macha Abdesslam !
Wsel Abdesslam l’Laayoune.. l’entrée dialha jab lih allah b7al ila dakehl l’Madrid wakha ma3emmrou chaf 7ta Casa !!
Chbe3 meskine dorane.. 3ya may9elleb 3la lkhedma… 7ess brasso techmet encore une fois.. da7ko 3lih s7abou… Lmaghrib kollo b7al b7al !! mais trop tard pour s’y rendre compte..
Daz 3lih nhar k7el, khasso fine ybat.. mcha lwa7ed l9ahwa.. demanda berrad.. ou 3ser 3lih llil kamel ghir bach yeb9a galess ou plutôt na3ess..
W9ef 3lih l’garçone :
- ssi Mo7ammed ra bghina nseddo !
- sma7 liya a khouya..
- malek yak labass?
- Walou.. ana machi men hna.. jite n9elleb 3la khedma f’had ard allah walakine mal9itch
- Eyeeeh a khouya de7ko 3lik 7tana ss7ab.. fekkertini brassi nhar jite lhna!! Walakine allah kbir.. ma mchitich l’lmerssa ?
- Lla
- wa chouf mar7ba b’dif allah.. bat had llila hna ou ghedda incha2allah nne33et lik 6ri9 lmerssa.. w’ra inchallah tel9a lkhedma temma..
- allah yer7em lik lwalidine.. mazal wald lkhir f’had ddenya !
lghedd.. mcha Abdesslam l’lmerssa.. lhjij dial 3ibad allah, ou ri7t l7out katkouwekh !!
ne33tou lih « l7aj Salem ma2 l3inine » ou mcha tisouwel 3lih 7ta l9ah… ou khdem m3ah modda…
Abdesslam t7essnat 7altou chwiya.. wella be77ar, t3ellem l7erfa dial lb7er… kra m3a s7abou lbe77ara … yetgheddaw b’lloubya ou yet3echaw b’lloubya.. l7out 6le3 lihom f’rass.. nhar l3ezz howa mli tit3echaw b’lmerr9a ou lb6a6a ou zitoune ou l7em !
Abdesslam wellat f’3omro 31 3am…ghlad.. ou s7a7 ou bant 3lih nne3ma ou chbe3 derriyat .. ou bda tifekker ydir osra ou yejme3 rasso 7ta howa..
Walakine …
wa7ed nnhar, fa9 Abdesslam, lbess 7wayej lkhedma ou mcha l’lmerssa.. l9a l9iyama nayda ou lghwat ou ssda3 ou l7tijajat…
- yak labass a 3emmi l7aj ???
- kherjou 3lina ou 3likom a weldi?
- 3lach ??
- lwizara dial ssayd lbe7ri ferdat 3lina rra7a lbiologiya 6 ch’hor« repos biologique » !
- ma fhamtch a 3emmi l7aj!!! (7it ma9arich meskine)
- ya3ni a weldi men3ou 3lina nseydou men hna 6 ch’hor ou lli 7esloh yeddiwh l’l7abs
- 3emmi l7aj ou 3lach lbatoyat (les bateaux) dial dak Le Général ghadine dakhline...
- a weldi hadak rah le Général … wach 7na ngueddo 3lih ??
- ou hiyach… ?
- lmousama7a a weldi.. ou men hna 6 ch’hour ji mar7ba bik..
zzle6 tab3ou meskine.. fine ma dar yddih matikemmelch 3lih allah ?? wachnou denbou??
3lach maykhelliwhomch yseydou l7out?? Wach ghadi yet9ada??
3lach les militaires, les Généraux dial l’armée maidirouch 7ta homa rra7a lbiologiya??
Wach le Général mekhsouss ?? wach ma3endou flouss bach y3ich ? wach teirbe7 30dhs f’nnhar ??
3lach had ddolm ?? 3lach ya rebbi 3lach ??
Abdesslam mennou des milliers au maroc.. tawa7ed ma tifekker fihom.
Walakine wa7ed nnhar ghadi yenfajer lborkanr.. ghadi y3i9o.. ou yfi9o !
ou dik sa3a ykoun fat lfout !!
Commentaires
mahmeltekch
malek a wlidi cheb3an 3ya9a
ana li f allemagne o makangoulch dakchi li katgoulou
o koul ghir kan bessah
bza3ta ila kounti f'alllmagne!! :-D merci d'avoir lu cette histoire wakha ma fhemti fiha ta wezza!! :-D
Félicitations
Merci pour tes récits, c'est vrai qu'il y a beaucoup de vérité dans ce qui est écrit.
On a l'impression de sombrer dans un Maroc noir où il n'y a de place ni à la pitié, ni à la piété!
C'est souvent le cas mais pas toujours.
Comme il y a du mauvais, il y a du bon. Et ce, partout dans ce monde.
Le Maroc n'est pas le paradis, c'est juste un pays...comme les autres avec ses avantages et ses inconvénients.
Encore merci pour ces récits tirés de la réalité, tu as du talent.
a khoya hadi 9issa zouina walakin hania matdir f rassak walo rah mssakan mafahmo walooooooo!!
tenger
hadi machi 9issa wa9i3iya jibtiha man rassak amohi yamkan ikon had chii wa athala afrasak
salut
nta wlid papa we mama ou b3da zaydoune le bisara fiha lehdidi koulha bach dir rkabi a weld papa we mama.!!!!!!!!!!!!!???????????????
bravo
salam merci bzaf 3andak oslob zwin wa3r fsard tbarkalah 3lik mazid mina l3ata2 lah ywafa9 wlli galak l3aks 3arfo ghar mannak :D kat3raf lmgharba may9adoch 3la lhaja ygolo khayba iwa bravo 3lik et b chance.hanane
Poster un commentaire
Rétroliens
URL pour faire un rétrolien vers ce message :
http://www.canalblog.com/cf/fe/tb/?bid=72312&pid=844031
Liens vers des weblogs qui référencent ce message :
