Machahid mina l7ayat : HALIMA
Halima (7lima). 40 ans. Casablanca. Khiya6a f’la carte, prostituée f’lwa9i3
7lima 9isstha wellat me2loufa…
9isstha 9isst génération 3la gueddha…
la génération li 3errfat l3alam 3la le Maroc
machi b’lb7er ou chems ou 7ousn l’isti9bal dialou
walakine 3errfathom b’lmeghrib dial l9…b
lmeghrib dial la prostitution
lmeghrib dial les filles bidoun charaf
lmeghrib li tkhelle6o fih l’2ansab ou l’2a3rad
lmeghrib li wellat 3ala9tou b’lkoweit .. kbiiiiiira
comme on disait : jil « génération » l7ez9a w chaja3a !
7ta chi bent ma tzadet prostituée… walakine khtaro a9reb 6rib bach ysowro lflouss…
6ri9 l7lal s3iba, amma 6ri9 l7ram makine ma s’hel mennha
7lima men mawalid 1965.. ma3arfach imta tzadtet b’dabt… f’la carte darou liha 01/01/1965.
en fait f’l3robiya dialhom nnas ba9ine 3aychine f’ljahiliya.. ila tzad weld yfer7ou ou ydirou lih sbou3 kber men l3erss..
ou ila tzadet bent.. bbaha tin3el mmha ou ti goul liha : ntouma l3yalate kharjine men del3a 3awja !
ou lbent mskina 7ta l7ala lmadaniya ma tisejlhach fiha 7ta katji we9t l9raya ou chouf tchouf ila khellawha te9ra !!
kebrat 7lima f’nnawa7i dial 7ed Soualem « la région de Chaouia-Ourdigha ».. 7ayatha dial sgher dazt inaperçu… lle3b 3endha kan howa ch9a f’dar, ou t9er9ib nnab m3a bnat gueddha…
7ta dart 8 snine… ou siftha bbaha 3end khtou f’ddarbayda « casablanca » bach tekhdem 3endha…
men 3adet nass dial l3robiya ysiftou bnathom 3end familathom f’les villes... mennha yetfekk men lmasarif dialha wakha matikhser 3liha 7ta frank!! Ou mennha yel9a sebba bach yemchi yzourha, y3elle9 kra3o ou yerta7 3 jours f’lmdina, ychouf ssa6at ou l3ra chwiya !!!
ou hakda, mchat 7lima l’mdina !
mchat tekhdem 3end 3emmetha… moaddafa f’ljama3a dial Lisasafa, ou sakna f’Loulfa, ou lehla yj3el chi mslem yekhdem f’ljama3a…
katji akhir nnhar khass’ha ghir m3amen ddareb… 9bel kan rajelha ou wladha homa dda7aya walakine daba jab liha allah 7lima mskina bach tkchkch 3liha ou tberred fiha ssemm !!
kant 7lima tatfi9 m3a 6 d’sba7 hiya lowla… ou bla réveil matin ! 3emmetha galt liha : ntouma l3robiya tatfi9o bekri ach bghiti chi lmagana d’lfya9 ??
tatnod wakha ykoun, oula chta ou tebrouri… lmohim tfi9 ou twejjed lf6or l’lallaha ou sidha ou wladhom…
kan khass’ha tech3el l7ammam , ou tekhrej tchri l’parisienne !
ou f6orha hiya… ila jab allah cha6et chi 7aja.
Nhar sso9 hiya li tathezz l’gfaf« les paniers » kolla we7da fiha 20kg dial lkhodra !!
6yab…
Tejfaf…
tesya9…
ttesbine…
nchir l7wayej…
teskhar…
jibi liya nchreb…
lebbsi l7wayej l’Achraf « Achraf 3endo 5 ans ou ghled men 7lima !! »
kherrji zzbel…
hadi hiya 7yat 7lima f’lmdina
wakha dik l9aswa dial 3emmt 7lima 3liha, siftatha dir doros ma7ow l’2ommiya « alphabétisation »… 7lima fer7at !! wellat katkteb smeytha ou te9ra lktaba…
wellat kat3ref te9ra tarikh fach ysali bbwa6 sserdine ! mab9ach y9der ydirha biha mou7mmad moul lpissri!!
Kan nhar l3ezz 3endha howa mli tatkhrej m3a mmaline ddar ydoro f’lmdina… timchiw 3end l7mam f’nnafora f’sa7t Mo7ammed V… tidoro f’le Prince, timchiw l’madinat l’2al3ab Sindibad… wakha makanouch tikhelliwha terkeb f’6omobilat dial ttsa6i7, kant ghir kattferrej walakine kan ti3jebha l7al !
7lima kat3jebha Casa.. ou kat7lem b’nnhar li ghadi tkoune mzouwja ou 3endha wlidate ou tsarihom f’Casa… ou yet3echaw f’resto.. ou y6el3o l’douk twimiyate (Twin Center) !!!
a7lam 7lima !!
dowzat 7lima ssinine 3end 3emmetha... wellfat tammara! Walakine 7sen liha men 3icht l3robiya... dart ss7abate (kheddamate b7alha), ou ndamjat m3a dar 3emmetha mzyane...
à 18 ans, 7lima tbark allah zyanet, fine kan mkhebbi had zzine?
3inine dial wlad dderb t7ellou !! awwah ? hadi hiya 7lima lkheddama ?? kolchi wella 6ame3 fiha, men lkherraz f’rass dderb 7tal moul ddi6ay !!
Walakine dde9a jatha men blassa khra…
L9adar kan mkhebbi liha mosiba… ou makantch f’l7ousbane
Wa7ed nnhar, 3emmet 7lima « moulat ddar » kant me3rouda l’l3erss f’dar jarthom « Fatima »... nass boukou l3a9a, labass 3lihom ou ma tidessro 7edd f’dak dderb.. nhar 3emmet 7lima jatha l3rada kant ghadi tskhef belfar7a !! kant katsenna nhar ssebt imta ywsel… guenss jjou3 !!
Wsel ssebt.. tsellfat 3emmt 7lima wa7d tekchi6a men 3end nneggafa sa7ebtha bach tban biha f’l3erss ! ou 9bel ma tkhrej wessat 7lima :
- hanti choufi, thellay feddar… 3echi drari ou ne33sihom ou khelli chwiya l3zizek ou ne3si m3a ts3oud ou ness (9h30) ou 3andak tkhelli tilifizioune cha3el !! safi ?
- kouni hanya a 3emmti…
- wa 3andak !! ou hanti, mli nji ghadi njib lik chi fkhed dial djaj men l3erss !!!
- wakha a 3emmti
kant 7assa chi 7aja ghadi to9e3…
dart 7lima dak chi li wessatha 3lih 3emmetha…
m3a 9h kant déjà f’frach’ha (flkouzina)
22h00 : moul ddar dakhel… msekhen !! sekrane ppila !! 3ref mratou me3rouda howa yestaghel lforsa bach yenche6 m3a s7abo.. (allah yen3l boh nacha6)
20 minutes bach y7ell bab l’appartement !! ch7al ou howa y9er9eb f’sswart...
mcha lkouzina... kla dakchi li khellaw lih
temm kharej ou hiya tban lih 7lima na3sa fl’autre coin !
chaf fiha :
- walaynni sa6a hadi !!.. walaynni k… howa !! aw ? had l77em kamel 3endi f’dar wana ma saye9 khbar !!?
bant lih fiha lle3ba… moulat ddar makaynach.. ddrari na3sine… ou dderb kollo mechghoul b’l3erss
9erreb liha… 7iyed liha lgh6a howa y7e66 yeddo 3la fommha fa9t meskine mekhlou3a :
- ila fte7ti fommek, ila ghowetti ghadi nsift nredd 6asilt mmok l’3robiya ou ghadi ngoul l’3emmtek rak nti li jiti taddori biya !!
- 3afak a 3zizi khellini.. 3affak allah yr7emmaldik …ra ghadi te9telni 3emmti 3afak.. allah ykhelli lik wlidatek 3afak….
3yat ma tergheb fih ou howa ga3ma howa hna kheddam f’jarimtou…. Lkelb
9da 7ajtou lmoujrim l7a9ir, dar fiha ma bgha… tkerfess 3liha… dowez 3liha dakchi li machaftouch 18 3am hadi !! 63en liha charafha… wessekh liha karamtha… 7’66em liha amalha ou a7lamha… fariss l’a7lam dialha li kant kat7lem bih 3elle9 f7alou !!! khrej 3liha le conard… ou zaydha b’ttehdid !!
- wellah ou tsi9 3emmtek lekhbar d’had chi 7ta ykoun akhir nhar lik…
sektat 7lima…
jem3at 7altha… ou mes7at atar ljarima ou rej3at ne3sat… wach men n3ass b9a ? wach men 7ayat b9at??
Batet llil kamel ou hiya katfekker f’had lmossiba...
Ila galtha l3emmetha machi b3id yenker rajelha ou ygoul lmratou belli 7lima hiya li jat 3endo!! Wach 3emmetha ghadi tejri 3la rajelha ou tkhelli lkheddama?? Labedda tji men jiht rajelha... ou kif ma kan l7al ghadi tkherrejha men ddar...
Amma ila galtha l’bbaha mosiba kbira... howa nit 3la sebba, ou ye9der ye9telha!!
Mosiba ya rebbi...
Ma b9a ban liha illa 7ell wa7ed… threb !!
Ard allah was3a ou 3rida, tekhdem fin’mma sehhell liha allah... ou benna9s ga3 men had lfamlila ou benna9s ga3 men familtha f’l3robiya... 3la homa men nhar siftoha fin 3emmerhom sowlou fiha??
9err’rat tehreb... ou hadi hiya lo9ita! 3emmetha mazal m9essra f’l3erss ou dak weld l.... l7a9ir na3ess mghiyeb...
jem3at 7wayejha (chrawe6ha plutot)...
7ellat lbab ou nezlat ou 3iye6 jbed b’jjri 9bal ma ychoufha chi 7edd !!
- 7lima !!!
chafha l3essass ghada katjri !! mafhem walou... chaf 7ta 3ya ou howa ygoul m3a rasso :
- wana mali !! mat3ref tkoun chafra chi 7aja men dar 3emmetha?? Drokk yji lbouliss ou ybdaw l’enquete.. chkoune chafha? Msika l3essass.. ha7na wlina f’sir waji ou 6le3 ou nzel !! oumali 3la 7alti?? Allaw3lem !! Ma cheft ma rayt !!
ou rje3 dkhel l’3echtou ou tkemmech f7alou
blad lkhawf… lblad lli nass fiha khayfine ygoulou l7a9i9a… khayfine ychehdou b’l7a9… khayfine men khyalhom !! walakine machi denb’hom ou hadak moudo3 akhor !!!!
b9at 7lima tatjri 7ta t96e3 fiha nnefss… l9at rassha weslat 7da dar wa7ed sa7ebtha « Jamila » sakna m3a chi bnat khrine « !! »… be3da kayn fine tdowez had llila
de99at 3liha…
- chkoune !
- ana 7lima !!
- chkoune 7lima ?
- 7lima lkheddama… 7elli !!
7ellat liha….
- 7lima !! yak labass ?
- khellini ndkhel be3da.. ghadi nmoute !!
- zidi zidi… 3awdi liya ! ach kherrjek f’had llil a mskho6t lwalidine ??
- hrebt…
- ou 3lach ?
- tkerfess 3liya rajel 3emmti… khrej 3liya lkafer bellah..
- ou fine kant 3emmtek ? 3lach ma frechtihch m3aha ?
- me3roda ll3erss ou howa dkhel sekrane, ou wakha ngoul lha liya maghadich tiye9ni..
- weld l7ram !! ou chnou ghadi tdiri daba?
- Hadik ddar maghadich nerja3 mazal liha ou 7ta darna ila rje3t lihom ghadi y9etlouni.. ghadi ndebber fine nkhdem ou nsken...
- Iwa hanti daba b9ay sakna m3ana 7ta tdebbri...
- Barak allaho fik a khti... aji kifach mazaline fay9at 7tal had lwe9t?
- Ha ha ha ha (de7ka dial chikhat) 7na yallah bda 3endna nnhar!!
Jamila sa7ebt 7lima est prostituée professionnelle, walakine 7lima makantch 3arfa, kant tats7abha « garçona » f’9ahwa !!
Nhar lowel, nhar ttani, nhar ttalet… siman lowla…simana ttanya
7lima chaft lflouss li tatjib Jamila kolla lila
tatchouf 7altha mli tatji akhir ssba7 mmermda b7al jjrou
7lima 3erfat l7a9i9a, 3erfat lkhedma dial Jamila.... walakine li makantch 7lima 3arfah howa lkho6ora dial had “l7erfa” (allah yn3elha 7erfa).. makantch 3arfa chno howa “faire le trottoire” makatnch 3arfa les MST (maladies sexuellement transmises) makantch 3arfa le SIDA... ou lkha6ar howa annaha makantch 3arfa ce qu’est ce que L7lal ou L7ram !! 7ta wa7ed ma 9erraha ddine ou, 7ta wa7ed ma werraha la prière, ma3emmerha cheddat lmos7af lkarim, ma3emmer jebha dialha t7nat l’Allah rebb l3alamine !
à qui la responsabilité ?? walidiha ? l’état ? 3emmetha ? la societe ?? chkoune lmes2oul ????
makanch s3ib 3la Jamilabach te9ne3 7lima tekhdem m3aha ! ghratha blmal !! zow9atha liha ddenya !
galt liha : had l7erfa mzyana !... mennha flouss ou mennha ttmett3i m3a rassek ou tcheb3i 7wayej ou rwaye7 ou makiyage (maquillage) ou t3erfi nnas dial lflouss ..ou nti ssinine ou homa 7absine 3lik f’dik lkherba !!
7lima 3owlat 3la l7ram ! ou l7ram makine ma s’hel mennou
lyoum liha lowel f’had l3alam !
7lima wellat smitha 7anane (Hanane)... mchat m3a sa7ebtha Jamila l’bureau dialhom.. un cabaret du centre de Casa, temma titla9aw pour le premier verre question de « cheddane d’stoune »… 7lima (7anane) cherbat chrab !! jaha morr !! walakine 3jebha l7al… 3jebha bezzaf 7it ghadi tbeddel 7yatha ou ay 7aja jdida forcément ghadi t3jebha…
men le cabaret le groupe tay dirou le plan de travail, achmen boite yemchiw liha… kolla we7da tatchedd secteur, bach ma yzeglou 7ta client « c’est du commerce » !...
ou siiiiiiiiiiiiiiiiir…
7lima dekhlat domaine mzyane… dowzat ga3 les marques dial rjal : zwafriya (les ouvriers), lmouaddafine, les cadres, les grands fella7a, les hommes d’affaires…
7ta les journalistes tijiw l3endha mennha y9diwa 7aja ou mennha ydirou reportage 3la dda3ara f’lmeghrib !!!!!
7lima kesbat l7erfa, ou t3ellmat L9waleb ... t3ellmat tsiyed les clients haut de gamme, ou t3ellmat kifach tetfekk men les clients bas de gamme.. mab9ach men wala yn3es m3aha.. wellat exigeante côté prix !! tihemmouha ghir lflouss… walaw ten3ess m3a chibani f’3emro 80 3am !! lmohim lguermoma ! (le pognon).. surtout hiya zwina .. sa beauté était son argument de vente, et son corps était son produit d’appuie.. et son produit majeur était le plaisir !
7lima 3erfat « 9imtha » !! 3erfat ras7a 7sen men s7abatha, les clients wellaw tijiw y9ellbo 3liha hiya en personne… Jamila ma tser6atch liha, wellat tagoul liha : yak a 7lima, 3ellemnak ss3aya sbe9tina l’dyour lkbira !! 3andak ts7ab rassek 7anane bessa7 ! raki ghir 7lima l3robiya !
7lima mab9atch 9adra teste7mel lhadra dial sa7ebtha Jamila, ou 9er’rat tbeddel le lieu de travail…
jem3at 7wayjha ou safrat l’Marrakech…
ou 7it hiya dart lm3aref bezzaf makanch s3ib 3liha temchi tbeddel lmdina.. 3endha m3aref f’Marrakech...
ou bdat lkhedma f’had lmdina, ou 3jebha l7al bezzaf, surtout le climat mzyane temma, ou la concurrence 9lila par rapport à casa sauf avec les pédales !!
ou wellat 7lima me3roufa f’Marrakech « 7anane lkazawiya »… kolchi ti9elleb 3liha, kolchi ti9elleb 3la l7emha, les actions dialha 6el3o f’la bourse du plaisir.. ou kan normal ana te6la3 grade…
7lima ma b9atch terda b’khotha lmgharba, wellat ikhtisasiya « spécialiste » f’les étrangers, Hanane Interntionale !! italiens, allemands, français, et les arabes du golfe (lkhalijyine wlad l..)
wellat 7lima materdach b’9ell men 1000 dollars Us pour les arabes et 1000 Euros pour les européens.. le Dirham meskine mab9atch 7amla tchoufo !!
chrat villa très haut standing, ou Mercedes S300 Kompressor, un compte bancaire m6er6e9… dakchi li kant tatchoufou f’lmousalsalat ou ghir kat7lem bih.. hahowa dartou ! ou chnou lmo9abil ?
wa7ed nnhar 7lima kant kif l3ada dans une boite discotheque tres connu a Marrakech.. la cigarette dans une main et le verre dans l’autre… tatsenna chi gawri oula chi 7awli (khaliji)!
Ban liha wa7ed l7awli jay.. bayn f’siftou koweiti (wellat spécialiste, ghir tchouf bnadem t3ref sa nationalité!!)… bdat son numéro torride bach tlfet nnadar dialou.. 9cha3ha (il l’a reperé).. ou ja l3anda :
- ya hala !! masa nnour ya 7élwa
- … ma jawbatouch
- malech ? (ze3ma malek)
- ich 3awiz ?
- titkallami koweiti ??
eh oui… les prostituées dial lmaghrib ga3 tihedrou b’les dialectes dial lkhalij et le liban.. des atouts pour vendre leurs corps !
lkoweiti 3ejbatou 7lima 7lef 7ta ybiyetha… walakine !
b9a l7awli tihder m3aha fo9 2 heures… f’lekher ddaha m3ah l’hôtel fach saken ..
dowez m3aha dik llila.. ou tafe9 m3aha un rendez-vous demain.. galliha belli 3endou moufaja2a kbira liha…
lghedd, jat l3endou 7lima (7anane)… fer7ana tatsenna had lmoufaja2a li mouejjed liha l’koweiti..
- 7anane… (dwa m3aha b’l’accent dial lkoweit) llil kamel ma n3estch, b9it tanfekker fik.. ana dayman tanji l’lmaghrib, 3emmerni ma cheft bent f’jamalek, ma 3reftch 3lach.. 7ebbitek men awwel marra cheftek.. dkhelti 9elbi... 7anane.. matfehminch ghala6... ana 6alabi chrif... ana 6aleb yeddek (demande sa main) 3la sonnat allah wa rasoulo (allah w’rrasoul bari2on minkom)... ana al7amdou lillah 3endi machari3 f’lkoweit.. ntzoujou ou nddik le koweit ou n3ichou ana wiyak f’sa3ada ou ndirou a6fal.. achnou ra2yek ?? wallahi ana sade9 m3ak…
7lima tsedmat !! b9at ghir tatchouf!! ma3erfat wach teblat!! wach t'tiye9o oula tkeddbo.. bketret ma daz 3liha nsat ras'ha annaha mra (une femme) nsat l'a7lam dial 6ofola, nsat fariss l'a7lam ou nsat drari ou la famille.. kan hemmha howa lflouss, tejme3 lflouss b'ay 6ari9a ou nsat chno howa l'2insan ou lach 3ayech l'insane !! nsat rass'ha ou nsat 9imt l7ayat !!
bdat 7lima (7anane) tatbki.. mli 6lebha lkoweiti l'zwaj fekkerha f'7lima lkheddama fekkerha ach kanet ou ach wellat.. fekkerha f'l7ayat l3adiya li kant 3aychaha ou had l7ayat lmrouwna li wellat 3aychaha.. ou f'le7da tnadem m3aha l7al, f'le7da t2allmat ldakchi li daret.. bkat 3la lgarro li wellat tatkmih, bkat 3la 6asa li wellat tat3bedha, bkat 3la l7emha li daz 3lih mi2at dial rrjal ou zadet tatbki !!
lkoweiti ma fhem walou !!
- ach guelti a 7anane ? (b'l'accent koweiti)
- mes7at dmo3ha... ok 36ini we9t nfekker..
tfar9o dik sa3a... ou mchat 7lima tatkhemmem.. llil kamel ma ne3satch..
l'2awwel marra hadi ktar men 12 ans tatbki 7lima, tatbki b'7er9a..
nedmat 3la ma dart ou galt m3a ras'ha belli allah (3ad 3erfatou !) sift liha had weld l7lal " ! " bach yen9edha men had l7ayat li hiya fiha..
siftou liha bach ye3fou 3liha allah men lfasad ou tejme3 ras'ha ou t2asses osra.. ou chkoun b7alha ? l9at rajel mebihch, ou labas 3lih ou ghadi t3ich f'l3ezz m3ah f'lkoweit !
7lima bant 3liha ibtissama.. fer7at ! de7kat ! che67at belfar7a ! bant liha dounia jdida dakhla liha.. bdat tat7lem b'3alam jdid ou 3icha jdida.. galt : allah ya rbbi ! 7medtek ou chkertek ! ghadi nwedde3 had lblad lli t3ellemt fiha ghir lmsayeb.. ghadi nwedde3 had l7ayat li tmerrett fiha men nhar 7ellite 3iniya !!...
lghedd lih mchat tla9at m3a l'koweiti..
- achnou guelti mazal? Mwaf9a??
- Hmmm..
- Mwaf9a?
- Ah mwaf9a ya 7abibi...
Men dik sa3a seknat m3ah f'lhôtel... ba3t ddar ou 6omobil.. ou bdat tatchri 7wayej jdad ou atat bach teddih m3aha ldarha jdida f'lkoweit
Wellaw 3aychine f'lhotel b7al rajel ou mratou wakha mazal ma tzouwjou.. et naturellement 7lima mab9atch tatkhelles men 3end l'koweiti 7it 3tabratou rajelha !!
Wella tin3ess m3aha gratuit.. fabor !!
Dowez m3aha un mois f'lhotel.. 7ebbatou bezaf, kant tatchouf fih rajelha li ghadi yn9edha men lja7im ou ghadi y3iyech'ha f'l3ezz..
Wa7ed nhar fa9t 7lima f'sba7.. men nhar kh6ebha l'koweiti ou hiya dima tatfi9 fer7ana !!
Fa9t.. tkesslat mzyane !!
- 7abibi !! winak ??
yemken f'l7emmam !! mchat 7ellat l7emmam.. mais mal9atouch !!
9ellbat la chambre kollha makaynch..
galt : yemken nzel ychri chi 7aja..
3ey6at lih f'portable l9atou 6afih..
mchat l'placard dialha bach takhod fo6a.. walakine !!!!!!!!!!!!!!!!!!!!!!!!
le placard dial kha6ibha khawi !!!!!!!!!!!!!!!!!!!!!!!!!!!!!!!!!
ça veut dire quoi ???????
rkabiha fechlou !!! 6a7t l'2ard.. ou sektat.. 3iniha kherjou.. tefkir dialha tchell.. 3ergat.. kherjou ddmou3.. !!
d7ek 3liha !!!!!!!!!!!!!!!!!!!
lkoweiti b'ketret ma tiji lmeghrib 7fed 9waleb lmgharba !!! wella howa li tidirha bihom !!!
siyedha.. staghel l3o9da dial zzwaj bach yn3ess m3a 7lima fabor gratos pendant un mois !!!!!
d7ek 3liha ou staghel sadaja ou niya dialha.. chbe3 mennha ou rmaha b7al l'ordure !!
kolchi da3 mennha.. flouss'ha khesrathom, koll ma 7ret jjmel dekko !! hadouk houma flouss l7ram!! Matidoumouch..
7lima 3ounwanha f'l7ayat howa ddaya3 !!
Da3et men be3d ma yets7abha 963at lwad ou nchfou rejliha!!
Da3et men be3d ma yets7abha ddenya sahla!!
Da3et men be3d ma khesrat se77tha ou flouss'ha ou chababha ou familtha ou charafha!!
Da3et men be3d ma dey3at m3aha ch7al men rajel ou chet'tat chmel dial ch7al men osra
Da3et meskina kif ma tidi3 ay wa7ed 9abe6 6ri9 l7ram !!
Loukan 9rat 7lima ga3ma tousel l'had l7ala
Loukan l9at 7lima rri3aya ga3ma tlou7 rass'ha lfsad
Loukan l9at 7lima li yethalla fiha ga3ma tbi3 charafha ou l7emha rkhiss
Ou hadi hiya 9isst 7lima.. 9issta alaf lbnat f'lmaghrib li chouwhona, walakine rebbi kbir
Allaho youmhil wala youhmil
Ou bach 9telti bach tmout
7lima mennha des milliers au maroc.. tawa7ed ma tifekker fihom.
Walakine wa7ed nnhar ghadi yenfajer lborkane..
ou dik sa3a ykoun fat lfout !!
/https%3A%2F%2Fassets.over-blog.com%2Ft%2Fcedistic%2Fcamera.png)
/https%3A%2F%2Fassets.over-blog.com%2Ft%2Fcedistic%2Fcamera.png)